Suso de Toro asina exemplares do seu último libro na Feira de Vigo
20:00
- XUL 04
"Outra Galiza" é unha escolma de textos realizados polo escritor compostelán entre 2003 e 2008, na que analiza o cambio social e político do país. O último libro de Suso de Toro chega ás librarías trala súa presentación en Santiago o pasado luns, día 30 de xuño.
A Feira do Libro programa un día máis actividades para o público infantil, desta volta con maxia, contos e algo máis.
Día 4. Venres.
18.30 Actividades para nenos. Contaxia (revolto de maxia, contos ...e algo máis), coa participación de Fátima e o Mago David.
19.30 Jordi García fará a presentación do seu libro Especias, publicado por Intermón-Oxfam. Ao remate do acto, o autor asinará exemplares do seu libro.
20.00 O escritor Suso de Toro asinará exemplares do seu libro Outra Galiza, publicado por Edicións Xerais de Galicia.
20.30 O escritor Xurxo Sierra Veloso presenta o seu libro Os nomes do traidor, publicado por Edicións Xerais de Galicia.