I Premio de Investigación Alexandre Bóveda
Universidade de Vigo
- SET 30
Convocado pola Cátedra Alexandre Bóveda da Universidade de Vigo, na que participa a Consellaría de Cultura, e dotado con 20.000 euros. O Premio de Investigación Alexandre Bóveda nace para fomentar os estudos sobre Galicia no ámbito das ciencias sociais. Convócao a Cátedra da Universidade de Vigo que leva o nome do galeguista, na que participa a Consellaría de Cultura e Deporte xunto con Caixanova, o Concello de Pontevedra e a Fundación Alexadre Bóveda.
O premio concédese este ano por primeira vez e está dotado con 20.000 euros para a obra gañadora. Pódense presentar textos en lingua galega de máis de 150 páxinas no eido temático da investigación de economía, dereito, política ou outras materias de ciencias sociais. O prazo de presentación é ata o 30 de setembro e deberá efectuarse mediante solicitude dirixida á Vicerreitoría de Relacións Institucionais. Os traballos poden presentarse no Rexistro da Universidade (Servizos Centrais, Campus de Vigo) ou nos rexistros auxiliares de Vigo (Edificio Anexo á E.U. de Enxeñería Técnica Industrial e E.U. Estudos Empresariais, rúa Torrecedeira), do Campus de Ourense (Edificio Administrativo) e do Campus de Pontevedra (E.U. Enxeñería Técnica Forestal) ou por calquera das formas previstas no artigo 38.4º da Lei 30/1992, de 26 de novembro, de réxime xurídico da administración pública e do procedemento administrativo común.
No caso de presentar a solicitude nalgún rexistro distinto do Xeral, prégase envíen copia da documentación por correo electrónico xunto co número de rexistro da solicitude ao correo electrónico vic.rrii@uvigo.es. A entrega do premio efectuarase no mes de decembro.
Un xurado de recoñecido prestixio avaliará os traballos presentados. Formarano Ramón Villares, presidente do Consello da Cultura Galega e catedrático de Historia Contemporánea da Universidade de Santiago; Margarita Estévez, catedrática de Análise Matemática da Universidade de Vigo; Argimiro Rojo, catedrático de Ciencia Política e da Administración da Universidade de Vigo; Xavier Labandeira, profesor de Economía Aplicada da Universidade de Vigo; e Marta García, profesora de Dereito Administrativo da Universidade da Coruña. Participará como secretario do xurado o director da Cátedra Alexandre Bóveda, Álvaro Xosé López Mira.
O premio concédese este ano por primeira vez e está dotado con 20.000 euros para a obra gañadora. Pódense presentar textos en lingua galega de máis de 150 páxinas no eido temático da investigación de economía, dereito, política ou outras materias de ciencias sociais. O prazo de presentación é ata o 30 de setembro e deberá efectuarse mediante solicitude dirixida á Vicerreitoría de Relacións Institucionais. Os traballos poden presentarse no Rexistro da Universidade (Servizos Centrais, Campus de Vigo) ou nos rexistros auxiliares de Vigo (Edificio Anexo á E.U. de Enxeñería Técnica Industrial e E.U. Estudos Empresariais, rúa Torrecedeira), do Campus de Ourense (Edificio Administrativo) e do Campus de Pontevedra (E.U. Enxeñería Técnica Forestal) ou por calquera das formas previstas no artigo 38.4º da Lei 30/1992, de 26 de novembro, de réxime xurídico da administración pública e do procedemento administrativo común.
No caso de presentar a solicitude nalgún rexistro distinto do Xeral, prégase envíen copia da documentación por correo electrónico xunto co número de rexistro da solicitude ao correo electrónico vic.rrii@uvigo.es. A entrega do premio efectuarase no mes de decembro.
Un xurado de recoñecido prestixio avaliará os traballos presentados. Formarano Ramón Villares, presidente do Consello da Cultura Galega e catedrático de Historia Contemporánea da Universidade de Santiago; Margarita Estévez, catedrática de Análise Matemática da Universidade de Vigo; Argimiro Rojo, catedrático de Ciencia Política e da Administración da Universidade de Vigo; Xavier Labandeira, profesor de Economía Aplicada da Universidade de Vigo; e Marta García, profesora de Dereito Administrativo da Universidade da Coruña. Participará como secretario do xurado o director da Cátedra Alexandre Bóveda, Álvaro Xosé López Mira.
