Praza das letras

O Consello da Xunta deulle luz verde a un convenio de colaboración entre a Consellería de Cultura e Deporte e o Ministerio de Cultura para a adquisición de fondos bibliográficos por parte das bibliotecas públicas. Preténdese ademais contar con estudos sobre os hábitos lectores, a situación e os recursos humanos e materiais das bibliotecas. Tamén se programa o establecemento de liñas de actuación que supoñan un avance na equiparación cos índices medios europeos de libros por habitante no ámbito da nosa comunidade.