Edicións Tambre-Grupo Editorial Luis Vives
Tambre é a parte galega do Grupo Editorial Luis Vives, baixo o que se agrupan seis editoriais do Estado que comparten o obxectivo de educar para a reflexión, a democracia e a solidariedade. A actividade específica de Tambre é a edición en galego de LIX e de libro de texto para axudar ao desenvolvemento educativo e social da lingua e da cultura galegas. A oferta de Tambre en libro de texto cobre todo o abano do ensino regrado, desde Educación Infantil até Bacharelato. En canto á produción literaria, entre as diversas coleccións destacan Ala Delta, para o público infantil, e Catavento, para mozos e mozas.