Nova Galicia Edicións
Con máis de vinte anos de experiencia, Nova Galicia é unha editorial que centra o seu interese principal na divulgación da nosa arte, gañando a día de hoxe unha presenza cada vez maior no mercado internacional. Hoxe conta cun equipo humano de 500 persoas e leva publicado volumes sobre máis de 400 artistas e reproducidas máis de 20.000 obras de arte. A súa oferta editorial combina o libro de arte de gran formato -en 1997 iniciou o ambicioso proxecto editorial das coleccións Artistas Pintores, Artistas Arquitectos e Artistas Escultores- coa guía de consulta sobre movementos artísticos e figuras históricas do mundo da arte. Hai poucos anos abriu a súa actividade á narrativa, a literatura infantil e xuvenil e os libros didácticos para cativos.