Praza das letras

A empresa 3C3 Deseño deu orixe en 2001 a TresCTres Editores. A editorial naceu para contribuír ao impulso da cultura galega, aínda que edita tamén en castelán e portugués. As súas 22 coleccións abranguen apartados moi diversos: literatura, ensaio, política, economía, mundo agrario, biografía, libro infantil e xuvenil, música, ecoloxía, teatro, saúde... Tamén publica libros singulares fóra de colección e, en colaboración coa Asociación Cultural de Pensamento Filosófico, edita o anuario Roteiros. Arumes de pensamento crítico.