Praza das letras

No inicio, Baía Edicións dirixiu os seus esforzos cara á normalización lingüística e a promoción cultural no terreo da educación, mediante a edición de libro de texto en galego atendendo a todas as disciplinas do ensino secundario. Outras propostas editoriais son as guías de recursos didácticos, as coleccións de literatura (narrativa, poesía, teatro), ensaio e pensamento, patrimonio e tradición popular, materiais para o público infantil e xuvenil, etc. Unha das súas contribucións máis destacábeis é a colección Baía Verde de divulgación da natureza galega, que combina a guía de natureza coa colección de unidades didácticas e co ensaio de temática ambiental. Ademais, Baía creou no ano 2004 o Premio Meiga Moira de literatura infantil e xuvenil.