Edicións Laiovento
Fundada en 1991 por Xosé Manuel Beiras, Pepe Carreiro, Xesús Couceiro, Manolo Gómez Millares, Francisco Pillado e Afonso Ribas, Laiovento xorde para contribuír á normalización cultural e política de Galicia. Desde entón, a editorial desenvolveu a súa actividade desde o respecto a dous principios: a calidade estética dos libros de creación e mais o rigor científico dos traballos de investigación. Ademais da liña editorial central, Laiovento ten hoxe outras tres coleccións: Vento do Sul, pensada para estreitar lazos con Portugal; Breviarios, libros de pequeno formato con vocación didáctica; e Fóra de serie, volumes con características gráficas ou temáticas especiais que non encaixan no formato habitual.