A Nosa Terra
Comprometida coa cultura e a lingua galegas durante os seus trinta anos de historia, a división editorial de A Nosa Terra mantén unha liña xeralista que viaxa do tema histórico e a recuperación da memoria social á creación literaria, a divulgación científica, a enciclopedia, a fotografía ou o libro infantil. O seu catálogo, que conta con máis de 800 títulos, continúa abríndose a novos terreos -educación viaria, natureza e ambiente, etc.- na procura da normalización cultural do país. Entre o seu amplo panel de coleccións figuran O Fardel da Memoria; Historia da Literatura Galega; Mulleres; As viaxes; Os Bolechas; Espazos Naturais; Contos populares; Nós, os galegos; Froita do tempo, etc.