Ir Indo Edicións
Editorial que naceu no ano 1985 co obxectivo principal de traballar polo espallamento e a consolidación da lingua galega. Proba diso é que o seu primeiro proxecto editorial foi o Dicionario da Lingua Galega en tres formatos: o xeral en tres tomos, o Práctico e mais o Escolar. Logo virán os primeiros títulos de narrativa, que xuntarán autores propios como Fernández del Riego, Alfredo Conde ou Darío Xohán Cabana. Hoxe a colección conta con medio cento de títulos que tamén inclúen traducións de clásicos da literatura universal: Poe, Tolstoi, Dahl ou Conrad. Outras ofertas editoriais son a Enciclopedia Galega Universal e a liña infantil-xuvenil.