Praza das letras

A Bieito todo o desacouga: os sombreiros, os zapatos, as nubes, os paxaros xigantes... Os bonecos 'sacapenas' -orixinarios da cultura guatemalteca- serán a solución ás súas preocupacións. Anthony Browne (Premio Hans Christian Andersen 2000) crea un relato cheo de misterio, cunhas ilustracións que reforzan esa atmosfera enigmática. Os medos píntanse cunha escala de grises que potencia o efecto de intriga, mentres que o colorido inunda as páxinas nas que as inseguridades desaparecen.