Praza das letras

Incluído na colección para nenos O Parrulo, da que se levan publicado máis de trinta títulos diferentes, O monstro non pretende ser outra cousa que un elemento máis para a educación e a diversión dos máis pequenos, tanto na casa coma na escola. Editado en caracteres manuscritos e con debuxos a toda cor, O monstro narra a axitada travesía dun pequeno barco a través da néboa, a súa chegada a unha illa e o seu encontro cun fantástico monstro que non paraba de rir.