Praza das letras - Lecturas tem�ticas

De n�s para outras linguas

Mon, 29 Sep 2008 16:37:00 +0000

Escolma de Ana Luna

Historias de auga e sal

Tue, 5 Aug 2008 11:46:00 +0000

A autora de �Corazóns amolecidos en salitre� escolma para nós unha ducia de relatos de auga, desde a navegada polo Sinbad de Cunqueiro até a que Xurxou Souto trazou en �Fumareu�. Cóntanos que toda a literatura cabe no mar.

Doutras linguas para n�s

Thu, 15 May 2008 12:52:00 +0000

Darío Xohán Cabana, tradutor, narrador e poeta, realiza aquí unha escolma dunha ducia de títulos traducidos doutras linguas para o galego. Escolleu como data límite a metade da década dos 90 ante a imposibilidade que confesa na entrevista de incluír, nunha selección necesariamente limitada, sequera un conxunto máis representativo de textos clásicos ou canónicos dentro da historia da tradución en Galicia. Fala logo dunha �escolla simbólica� en que ficaron fóra algúns títulos da súa man, premiados polo labor de tradución: a tradución d'A Divina Comedia ou de Vida nova de Dante.

A poes�a da emigraci�n

Wed, 13 Feb 2008 10:19:00 +0000

O autor rianxeiro Xosé Luís Axeitos achéganos á creación poética de ultramar, aqueles libros que se crearon ou editaron en Bos Aires, fundamentalmente, e que chegan hoxe para a amosarnos como foi a creación galega fóra, durante a emigración e o exilio. Pero non esquece tampouco cal foi a visión desa emigración dende Galicia, comezando con Rosalía.

Narrativa de emigrantes

Wed, 13 Feb 2008 10:11:00 +0000

O autor Xosé Neira Vilas fai gala da cultura galega no exterior, adquirida a través da súa estancia na Arxentina e Cuba durante boa parte da súa vida e regálanos unha relación de obras narrativas de temática emigrante, algunhas escritas vivindo a emigración e outras xurdidas como reflexión dende Galicia.

O f�tbol na literatura infantil e xuvenil galega

Sat, 29 Apr 2006 11:44:00 +0000

Aí vén o mundial de fútbol, apenas unhas semanas, chamándonos pola emoción. Xa comeza a rebulir no ánimo dos afeccionados o espírito do desafía, da tensión e do goce. Ese mesmo espírito que os enfronta a unha boa historia. Hai quen di que o manexo da pelota é un desafío á creatividade, igual que a lectura, e que un partido de fútbol retransmitido é coma un conto, por iso sabemos que os amantes do fútbol non deixarán pasar estas historias fantásticas cheas de fútobol e vida.

O medo

Wed, 6 Dec 2006 11:38:00 +0000

Sapos, curuxas, demos e bruxas serán algúns dos protagonistas da próxima edición do Salón do Libro Infantil e Xuvenil de Pontevedra, que terá lugar o vindeiro mes de febreiro de 2007. Na altura da oitava edición deste Salón, era tempo xa de darlle preeminencia a un dos grandes temas da literatura de todos os tempos, o medo. Ben como exemplo moralizante, como recurso humorístico e ironizante e tamén como exploración da psique humana en busca de sensacións no límite da razón, en todos os sistemas literarios aparecen o susto, a sorpresa, o descoñecido e o terror desde a raíz da tradición oral.

Estudos de teatro

Wed, 3 Oct 2007 11:23:00 +0000

Iolanda Ogando (Ourense, 1974) é profesora de Lingua e Literatura Portuguesas na Universidade de Extremadura. Doutora en Filoloxía Galega pola USC, escribiu diversos artigos de investigación sobre literatura galega e portuguesa, con especial atención ao teatro, e foi membro dos equipos que realizaron os dous últimos volumes do Diccionario da Literatura Galega.

Textos teatrais

Mon, 1 Oct 2007 11:01:00 +0000

Quico Cadaval actor, director, adpatador teatral e contacontos naceu en Ribeira, na Ría de Arousa, no ano catro a.m.m.m. (antes da morte de Marilyn Monroe) nunha taberna en que medrou. Na infancia conviviu con mariñeiros que extraían maxicamente bacallaus salgados do pantalón, quincalleiras que revelaban a berros a orixe da vida en canto devoraban carne asada e anciás que conseguían ouriñar de pé con precisión de cirurxiás.

Ratos de biblioteca II

Mon, 1 Oct 2007 18:21:00 +0000

Isabel Soto (Vigo, 1969) é licenciada en Filoloxía. Traballou como investigadora no Centro Ramón Piñeiro en proxectos relacionados coa literatura galega e a teoría e a crítica literaria. Realizou diferentes traballos relacionados coa LIX e na actualidade o seu labor profesional céntrase na tradución, a crítica e a edición de textos.